|
|
|
|
|
|
|
|
| BALAITOUS
(3.144m.) |
| Arratsaldea
zoragarria zan, dendea ahalik eta goien iminteko ezin hobea.
"Latour"eko hatxarteko plataformaraino igoteko aukerea
aztertu eta gero, dendea beherago imintea erabagi genduan, "La
Sarra"ko urtegitik horraino heltzeko egindako ahaleginen
ondorioz nahiko kantsauta gengozalako. Ganera, han, gure aurrean,
"Raspumoso"ko zirkua ikusten genduan, talaia itzel
batean egon izan bagina lez. |
 |
| Arazo nagusia afaria prestatzea
izan zan, arratsaldean Gabatxa izeneko haizea joten hasi zalako.
Haize hau Frantziatik dator eta biharamuna zoragarria izango
dala aurreikusten dau, baina su txikia amatatzen euskun eta,
afaria denda barruan prestatu gura ez genduan lez, su txikia
edurrean egindako zulo baten barruan sartu genduan. Argazkian
lapikoa besterik ez da ikusten, sua azpian dagoalako. |
 |
| Biharamunean egunsentia
gailurrean ikusteko asmoa geunkan; halandaze, iratzargailuak
goizaldeko 4:45ean jo eta 5:30ean gailurrerantz abiatu ginan;goizeko
7:15ean argazki hau atara genduan, justu-justu LatourrekoHatxartea
gainditu ostean. Eguna argitzen ebilen.
Esatea ahaztu jat motxilan eskegita
neukan termometroak zero azpitik 11 graduko tenperaturea adierazoten
ebala. |
 |
| Egia esan, egunsentia gailurrean
ikusteko aukerea joana zan, baina,edozein kasutan be, eguzkiaren
lehenengo printza honeek atsegin handiz hartu genduzan. Argazkian
tontorreraino egindako azken ibilaldia ikusi daikezue. |
 |
| Azkenean, gailurrera
heldu ginan.
Goiza argia, zoragarria zan eta zerua
garbi-garbi egoan, gitxitan ikusten dan moduan. Hotz handiagaitik
izan ez balitz, luzaroan geratuko ginan zeruertzera begira. |
|
| Beste guztiak gora joiazala,
gu beherantz ginoiazan. Dendea desmuntatu, apur bat jan, Raspumosoko
aterpetxetik pasa eta beherantz egin genduan, autoraino heltzeko
artean be tartetxu bat falta zalako. |
|
Pirinioek edertasun
handiko ikuspegiak emoten deuskuez. Beharbada "ranking"
horretako lehenengo postuetan agertu behar dau neguan "Raspumosoko
zirkuari" atarako irudi ikusgarri honek.
Igoera hau AITOR GOMEZ eta NATXO ZARAZUAK
egin dabe. |
 |
|
|
|
|
|
|
