ERAKUTSI DOZUEN INTERESEAREN ESKER, 60.000 IKUSTALDIKO KOPURUA LORTU DOGU. ESKERRIK ASKO

LIGA ESCOLAR BIZKAINA DE ESCALADA Y BOULDER Clasificación general de la 2ª Liga Escolar Bizkaina de Escalada Deportiva y Boulder           Clasificación

HELBURUAK

Munarrikolanda Mendi Taldea irabazasmo bako kirol alkarte bat da; taldearen helburu nagusia Sopelako eta Uribe Kostako mendi jarduerea bultzatzea eta indartzea da.Gure eretxiz, mendi, baso eta natureagaz zuzeneko hartu-emonak euki ezkero, argiago eta sakonago azaltzen dira adiskidetasuna, alkartasuna, ingurumena jagoteko begirunea eta aurrekoen antzeko balioak be.Munarrikolanda M.T. hori guztiori bideratu gura dau modu seguru eta arduratsuan.Horregaitik, kirol ekimenez ganera, ez doguz albo batera itxi gura geure jardueari lagundu behar deutsien heziketa eta prestakuntza arloak.Hori dala eta, mendi ikastaroak eratu eta beste herrialde batzuetara egindako ibilaldien proiekzinoak ikusten dira;azken horreen bitartez, beste kultura, herrialde eta paisaia batzuetara hurreratzeko aukerea eskaintzen dogu, hau da, bizitzea ulertzeko beste modu batzuk kontuan hartzeko aukerea.Gure mendi, baso, haran eta herrietatik zehar ibilteak be asko laguntzen deusku; horreri esker, hobeto ezagutzen doguz bizi garan herria, kulturea, jentea, landa eremua, kondairak, azterna arkeologikoak, herri jakituria horrek gure herria maiteago izateko abiapuntu eta oinarri ezin sendoagoa emoten deusku.

BAZKIDEAK

Bazkidea izateko, urteko kuotea ez eze Bazkideen Batzar Nagusiak ezarritako sarrera kuotea be ordaindu beharra dago.Bazkidea izatea eskatzen danean, eskatzaileak talde barruko arautegiaren jakinaren ganean egon behar dau;beraz,taldean sartzea eskatzen, kide barria taldeagaz bat datorrela ulertuko da. Bazkidetzea eskuratutakoan, taldekide barriei urteko bazkidetza txartela eta jardueren egutegia emongo jakez.Bazkideak idazkariari ahalik eta arinen jakinarazo beharko deutsoz bazkidetza txarteleko datuetan izan diran aldaketak,esate baterako helbide aldaketak eta antzekoak.Urteko kuotea derrigorrean ordaindu behar da martiaren hogeita hamarra baino lehenago. Horrela egin ezean, egun horretatik aurrera kideak taldea itxi dauala ulertuko da eta, beraz, bajea emongo jako.Urteko kuotearen zenbatekoa Bazkideen Batzar Nagusiak ezarriko dau, honako kategoria honeek kontuan hartuta: umeak (14 urtera arte), gazteak (hamalau urte beteten dabezan urtetik aurrera) eta helduak (hamazortzi urte beteten dabezan urtetik aurrera).